سوق العمل ولا سوق العلم

الكاتب : Null
216 مشاهده

سوق العمل بيقول, بيوصي, بيحب, مابيحبش .. الجملة الي اي حد يسمعها .. يتخيل نفسه .. لابس لبس جرسون .. وشبشب زييكو .. وبياخد طلبات حد اسمه العميل ..


هو دا سوق العمل الي انت بتفكر فيه !!

انك تكون مجرد ملبي طلبات العميل مقابل مبلغ من المال .. طبعا كلنا بدأنا كمبتدءين ..محدش اتولد بيل جيتس .. انت لما تكون جديد .. العميل الي هيجيلك تفتكر هيطلب منك ايه .. تعمله روبوت ؟ .. تعمله OS ؟ .. تعمله compiler  !!! ..

فاكر زمااان ايام ماكنت في ثانوية عامة .. معشوقة الجماهير الكيمياء العضوية .. لما كنت بتاخد معادلات احتراق الميثان والايثين والايثاين والبنزين كنت بتاخدهم كمعادلات مختلفة وفكرتها جديدة .. مع انهم كلهم واحد ..

فلما سوق العمل يطلب منك مشروع .. مرة هيطلب موقع شركة .. مرة موقع مطعم .. مرة موقع صيدلية .. لو انت فاكر ان الافكار مختلفة يبقي فعلا انت المقصود من البوست دا .. الفكرة واحدة .. حتة Database بتحط وتاخد منها ال Data .. ايه الابداع في كدة .. ؟

مسألتش نفسك احنا ليه معندناش جوجل و فيسبوك او مايكروسوفت ؟

عشان الناس دي بتفكر في سوق العمل بمصطلح اسمه سوق العلم .. متخليش طموحك انك تروح تنفذ طلبات عميل ..

لأ اخدم العلم .. واخدم البشرية كلها .. واخدم نفسك وفكر بأسلوب مختلف ..

اتعلم من اجل العلم .. مش عشان تاكل عيش .. وتروح تتجوز .. دكتور عصام حجي بيقول ان الشاب المصري من سن 20 ل 30 سنة كل الي بيفكر فيه الشقة والمهر والشبكة .. بيستنفذ كل طاقته عشان يحصل علي ابسط حقوقه انه يختار شريك حياته فلما تستنذف عقل المواطن المصري في التفاهات دي .. مستني يبني ايه ؟!

اسعي للعلم .. متسعاش للعمل .. وربنا لما تسعي للعلم العمل هيجي تحت رجلك .. قدر ان computer science فيها كلمة science ..

سوق العلم .. مش سوق العمل .. متسعاش انك تجري ورا عميل ..


منقول.

موضوعات اخري قد تهُمك

Leave a Comment

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك، ولكن يمكنك الاعتراض إذا رغبت. موافق قراءة المزيد

Privacy & Cookies Policy