الثانوية العامة وتأثيرها على حياة أبنائنا العمليه والنفسيه

الكاتب : Null
191 مشاهده

 الثانوية العامة ، هتفرق في إيه معاك لو كنت أنت أصلاً ما ذاكرتش ، طيب لو ذاكرت وحليت هتعمل إيه لو التصحيح طلع وحش ، في النهاية انت قدام إختبار بشري وأنت بشر ، ودي مش قدراتك الحقيقية أكيد ، فأنت تعمل إيه بقى ؟؟ أياً كانت النتيجة ،  ما تقفش عند الثانوية العامة .


الثانوية العامة وإزاي بتخرب بيوت المصريين ؟


الثانوية العامة ، هي سنة زي أي سنة بيكع فيها الأب والأم وقت ومجهود وفلوس ، علشان إبنهم أو بنتهم ياخد دروس قد كده وفلوس مواصلات وأكل برة البيت ، وفسحة كل أسبوع أو أتنين علشان مايحصلش كبت ، وفي الآخر مدرس بين قوسين يعني بشر ، يحط شوية أسئلة مالهاش إجابة ، أو تقريباً كان نفسه يطلع مؤلف فوازير عمو فؤاد بتاعة زمان ، مش فاهمين ، أو يحط شوية أسئلة في المنهج ، وفيها فزلكة .

والخلاصة الطالب اللي بيمتحن مش هيستفاد من المادة دي في حاجة إلا شوية قشور علمية لو دخل أي كلية ، وممكن مايحتاجش المادة العلمية دي أساساً في مجال شغله المستقبلي أو مجال دراسته الجامعية أساساً.


الخلاصة :


  • الثانوية العامة .
  • أب وأم وبنت أو ولد .
  • أب وأم : بيطفحوا الكوتة وبيصرفوا علشان أبنهم أو بنتهم يعدي ويتفوق على إختبار بشري ، وهما بشر ، وهذا الاختبار بأي حال من الأحوال لا يعبر عن قدرات الطالب الحقيقية .
  • وكم من منتج وناجح فشل في تقيمات البشر العلمية ، ونجح في الحياة العملية.
  • والناس اللي فاكره مسلسل لن أعيش في جلبات أبي ، قصة عبد الغفور البرعي دي قصة حقيقية.
  • ناس بدون تعليم وصلت ، فالحياة أرزاق  ، اتعلم ، وأجتهد واكتشف نفسك .
  • وحتى إن فشلت في اختبارات البشر أو أنك توصل لحلمك أنك تبقى دكتور أو مهندس ، فمتفشلش أنك توصل لحلمك أنك أنت تبقى أنت .

وعلى سبيل المثال ، الرسام إسلام أسامة ، كلية تجارة ، وهو حاليا من أمهر الرسامين صور شخصية في مصر .

  • أيوة هتقدر توصل ، أيوة الثانوية العامة دي تقييم بشر ، أيوة أنت السبب ، أنت مابتذاكرش يبقى ما تطلبش نتيجة حلوة.
  • طب لو ذاكرت وعاملت اللي عليك وقدرت تعب أبوك والآلافات اللي بتتدفع دي ، وجه التصحيح وحش ، فمتقفش هنا .
  • ماتقولش أتظلمت وتفضل تدور ع اللي وقع منك ، بص لقدام ، حط أحلامك قدام عينيك أنت عايز تبقى إيه؟؟
  • ربنا موفقكش انك تبقى دكتور ، ممكن تبقى كاتب مشهور أكتر من دكتور ماحدش يعرف عنه حاجة أو دكتور تعبان في نفسه.
  • ربنا يوفقكم جميعاً، يا كل طلبة ثانوية عامة ، ويعين أهاليكم يارب .
  • ولكل اللي في ثانوية عامة أو عنده حد في ثانوية عامة ، التربية من البداية وتربية النجاح جوه أبني انه يحقق ذاته .
  • هو اللي هيخليه يجتاز بعبع الثانوية .
  • وإن حتى ما اجتازوش بالشكل المطلوب ، فميبقاش النظارة تتكسر وكمان أحط قطرة اتعمي بيها .
  • مانجحتش في حاجة انفع والاقي نفسي في حاجة تانية.

 


Update : 2017-11-04  | By: iCoN.

موضوعات اخري قد تهُمك

Leave a Comment

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك، ولكن يمكنك الاعتراض إذا رغبت. موافق قراءة المزيد

Privacy & Cookies Policy