أضرار أفلام الكارتون على الأطفال

الكاتب Null
441 مشاهدة

أضرار أفلام الكارتون على الأطفال كبيرة جداً ، فمن لا يعي تلك الخطورة ، فهو يلقي بأطفاله إلي التهلكة وهو لا يدري ، فالمشكلة الرئيسية تكمن في الأم التي تترك أبنها أو بنتها أمام هذه الأفلام والمسلسلات ، ومن المفترض أن هذه الأفلام للأطفال ، ولكن الحقيقة غير ذلك في أغلب تلك الأفلام والمسلسلات.


أضرار أفلام الكارتون على الأطفال :


اطفالنا في كل مكان بيتعرضوا لهجوم فكري عنيف جدا لإنك لما بتدمر الاساس ، طبيعي يطلع جيل فاسد أخلاقيا والتدمير بيجي بالدخول للعقول عن طريق افلام الكارتون الحالية واحنا دلوقتي في 2017  السؤال هنا بقى ،  ولادنا بيشوفوا ايه؟؟ القنوات العربية بتقدم افلام كارتون ومسلسلات اجنبية مدبلجة يعني بإختصار احنا بنزرع في اولادنا اخلاق وعادات وتقاليد بعيدة عن ديننا ،عبارة عن تفاصيل حياتهم هما واللي بيتحكم في كده القنوات والمحطات اللي بتختار المسلسلات والافلام دي وتشتريها.

وطبعا علشان الامهات تريح دماغها بتسيب اطفالها قدام الكارتون ده بالساعات طب ، الكارتون ده بيبث في طفلي ايه؟؟؟ عنف ، عدوانية ،كدب ، عِند،كره للاخرين ، توحد ،بُعد عن الناس ، يئذي نفسه أو يئذي حد من اخواته ، والعياذ بالله ممكن اخ يموت على ايد اخوه بسبب تقليد لحاجة م اللي بيشوفها لسانه اللي بيتعوج ، ويقول سأقتلك ،سأنتقم منك.

الخطر الحقيقي علي الاطفال من افلام الكارتون:

أضرار أفلام الكارتون على الأطفال

ده غير الطيران اللي ابني ممكن يطيره.. يفتح البلكونة او الشباك لما يتفرج على الثلاثي ، سوبر مان ، وبات مان ، وسبايدر مان ، ويقلد  وسبايدر مان بالخصوص له فيديوهات على اليوتيوب عاملها شباب وبنات من برة الهدف جني المال ، والناس اللي شغالين في اليوتيوب عارفين العائد المادي من الفيديوهات دي بس الفيديوهات دي مخادعة ،تبان ان هي للاطفال بس في الحقيقة هي بتبث فيهم اخلاق سيئة للغاية ، بتبث فيهم انحرافات جنسية واختلاط بتحرر مع الجنس الاخر وغيرها من الاخلاق السيئة.

والقنوات العربية على اليوتيوب اللي بيتنجوا الفيديو التعليمي المسلي للاطفال مش كتير ،ومعمول بشكل عادي مش جذاب للاطفال  في قناة اسمها عائلة عمر بدأت تنشر الفكر التوعوي ده بس السايد ايه؟؟ انتم عارفين بقى ده دور المبدعين بقى ،اطفالنا دول امانة ومش لعبة ،وده النشئ اللي بيطلع، المفروض انه يبني وينتج مش ننبسط لما نلاقيه عايش على الرقص والمهرجنات واللي كلامها يدعوا الي الفسق والفجور حرفيا وعلى كل ام انها تتفرج على المسلسل او الفيلم او اي حاجة ابنها هيشوفها ويشوف ده مناسب لسنة ولا لأ الاطفال دول لازم يطلعوا عندهم قيم واخلاق مش مجرد كلمتين في كتاب الدين وآيتين يحفظوهم وكان الله بالسر عليم وشكرا.


حافظو علي اطفالكم:


نتمنى أن تعي كل أم مسؤليتها في التربية بشكل كامل ، وأيضاً الآباء ، ولكن نظراً لطول عمل الأب قد لا يجد متسعاً من الوقت لكي يصنع ذلك مع أبناءه ، ولكن الآن أصبح الأمر خطير ولا يحتاج إلي أي تأخير في إتخاذ القرار المناسب لإنقاذ ما يمكن إنقاذه.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا، ولكن يمكنك إلغاء الاشتراك إذا كنت ترغب في ذلك. موافق قراءة المزيد